വൈജ്ഞാനിക സമൂഹമായി മാറാനുള്ള തയ്യാറെടുപ്പിലൂടെയാണ് കേരളം കടന്നുപോയിക്കൊണ്ടിരിക്കുന്നത്. കേരളത്തില്‍ സാമൂഹ്യമാറ്റത്തിന് കാഹളം മുഴങ്ങിയത് അറിവിന്റെ ഉല്പാദനത്തിലൂടെയാ യിരുന്നു. നാമിന്നനുഭവിക്കുന്ന സൗകര്യങ്ങളെല്ലാം തന്നെ ആരുടെയെങ്കിലും ഔദാര്യത്തിലൂടെ ലഭിച്ചതല്ല. അവയൊക്കെയും തീഷ്ണങ്ങളുടെ സമരഭൂമികയിലെ നിരവധിയാളുകളുടെ ത്യാഗപൂര്‍ണമായ ശ്രമങ്ങളിലൂടെ കൈവന്നതാണ്. ഈ നേട്ടങ്ങളെ തിരസ്കരിക്കാനുള്ള ബോധപൂര്‍വ്വമായ ശ്രമങ്ങള്‍ കേരള സമൂഹത്തില്‍ ഉടലെടുക്കുന്നത് മുളയിലെ നുള്ളേണ്ടതുണ്ട്. ഇന്നലെകളെ ശരിയായി മനസ്സിലാക്കി മാത്രമേ നല്ല നാളൈകളേ സൃഷ്ടിക്കാന്‍ കഴിയൂ.
കേരള സ്റ്റേറ്റ് ലൈബ്രറി കൗണ്‍സില്‍ ഇതിനായി സംസ്ഥാന തലത്തില്‍ തയ്യാറാക്കിയ ക്യാമ്പെയിന്‍ പ്രവര്‍ത്തനമായിരുന്നു വിജ്ഞാന വികസന സദസ്സുകള്‍. തലശ്ശേരി താലൂക്ക് തല വിജ്ഞാന വികസന സദസ്സിന്റെ ഉദ്ഘാടനം ചാലോട് ഇ കെ നായനാര്‍ സ്മാരക ഗ്രന്ഥാലയത്തില്‍ വെച്ച് നടന്നു. തുടര്‍ന്ന് എല്ലാ അംഗ ഗ്രന്ഥശാലകളിലും സദസ്സുകള്‍ സംഘടിപ്പിച്ചു. വാണീവിലാസം ഗ്രന്ഥാലയത്തിന്റെ ആഭിമുഖ്യത്തിലുള്ള വിജ്ഞാന വികസന സദസ്സ് 2024 മാര്‍ച്ച് 31 ഞായറാഴ്ച വൈകുന്നേരം 5 മണിക്ക് ഗ്രന്ഥാലയത്തില്‍ വെച്ച് നടന്നു.
No comments:
Post a Comment