ചാന്ദ്രവിജയദിനാഘോഷം2026

 

   മനുഷ്യന്റെ, ശാസ്ത്രത്തിന്റെ ഐതിഹാസികമായ വിജയങ്ങളിലൊന്നായിരുന്നു 1969 ജൂലൈ 21 ന് അമ്പിളിമാമനില്‍ കാല്‍പതിപ്പിക്കാനായത്. 1963 നവംബര്‍ 21 ന് ആദ്യത്തെ റോക്കറ്റ് വിക്ഷേപിച്ച ഇന്ത്യ ഇന്ന് ബഹിരാകാശ ക്ലബ്ബിലെ പ്രധാന അംഗമാണ്. ചന്ദ്രനില്‍ സോഫ്റ്റ് ലാന്റിംഗ് നടത്താനും അധികം വൈകാതെ ആളെയിറക്കാനും നമുക്ക് സാധിക്കും. ശാസ്ത്രത്തിന്റെ വലിയ നേട്ടങ്ങളുടെ ഗുണഫലങ്ങള്‍ സ്വന്തമാക്കാനും പുതിയ ആകാശത്ത് പറക്കാനും നമുക്ക് സാധിക്കണം. അതിനായുള്ള ഓര്‍മ്മപ്പെടുത്തലാണ് ഓരോ ചാന്ദ്രദിനാഘോഷവും.ചാന്ദ്രദിനത്തിന്റെ ഭാഗമായി ഗ്രന്ഥാലയം 2026 ജൂലെ 26 ന് നടത്തുന്ന വിവിധ പരിപാടികളിലേക്ക് എല്ലാവരേയും ക്ഷണിക്കുന്നു.

കരുതിയിരിക്കാം പകര്‍ച്ചവ്യാധികളെ

കാലം തെറ്റിയ കാലാവസ്ഥ പലതരം പുതിയ രോഗങ്ങളെക്കൂടി നാട്ടിലെത്തിച്ചിരിക്കുന്നു. ഡങ്കിപ്പനിയും എലിപ്പനിയും മഞ്ഞപ്പിത്തവും വയറിളക്കരോഗങ്ങളും മാത്രമല്ല ഷിഗല്ല പോലുള്ള രോഗങ്ങളും നാട്ടില്‍ എത്തിയിരിക്കുന്നു. രോഗപ്രതിരോധം രോഗചികിത്സയെക്കാള്‍ മെച്ചം എന്ന ചൊല്ല് നാം പാലിച്ചേ മതിയാവൂ. മഴക്കാലരോഗങ്ങളെയും മറ്റ് പകര്‍ച്ചവായധികളെയും പ്രതിരോധിക്കാന്‍ എന്തുചെയ്യണമെന്നത് സംബന്ധിച്ച വ്യക്തത വരുത്തുന്നതിനായി ഗ്രന്ഥാലയം വനിതാവേദിയുടെ നേതൃത്വത്തില്‍ ജൂലായ് 12 ഞായറാഴ്ച വൈൈകിട്ട് 3മണി മുതല്‍ നടക്കുന്ന ബോധവല്‍ക്കരണ ക്ലാസിലേക്ക് എല്ലാവരേയും ക്ഷണിക്കുന്നു

വായനാപക്ഷം- സമാപനം- ഐ വി ദാസ് അനുസ്മരണം

കേരളസ്റ്റേറ്റ് ലൈബ്രറി കൗണ്‍സിലിന്റെ നേതൃത്വത്തില്‍ സംസ്ഥാനത്തെ എല്ലാ അംഗ ഗ്രന്ഥശാലകളിലും വായനാപക്ഷാചരം നടക്കുകയാണ്. ഗ്രന്ഥശാലാ സംഘത്തിന്റെ അമരക്കാരനായ ശ്രീ പി എന്‍ പണിക്കരുടെ ചരമദിനമായ ജൂണ്‍ 19 ന് ആരംഭിച്ച് ബഷീറിനേയും കെ ദാമോദരനേയും അനുസ്മരിച്ച് 

 ലൈബ്രറി കൗ‍ണ്‍സിലിന്റെ ആദ്യ സംസ്ഥാന സിക്രട്ടറിയായിരുന്ന ശ്രീ ഐ വി ദാസിന്റെ ജന്മദിനമായ ജൂലൈ 7 ന് സമാപിക്കുകയാണ്. വായനാപക്ഷാചരണത്തിന്റെ സമാപനം കുറിച്ചുകൊണ്ട് ജൂലൈ 12ന് നടക്കുന്ന ശ്രീ ഐ വി ദാസ് അനു്സമരണത്തിലും അനുബന്ധ പരിപാടികളിലേക്കും എല്ലാവരേയും ക്ഷണിക്കുന്നു.

വായാനപക്ഷം- അനുസ്മരണ സമ്മേളനം

വായനാപക്ഷാചരണത്തിന്റെ ഭാഗമായി ജൂണ്‍ 19 മുതല്‍ വിവിധ പരിപാടികള്‍ നടന്നുവരികയാണ്. പക്ഷാചാരണത്തോടനുബന്ധിച്ച് 2026 ജൂലായ് 5 ന് ജീവിതഗന്ധിയായ രചനകളിലൂടെ മലയാളത്തെ ചിന്തിപ്പിച്ച വൈക്കം മുഹമ്മദ് ബഷീറിനേയും കേരളത്തിലെ സാമൂഹിക പരിഷ്കരണപ്രസ്ഥാനത്തിന് ദിശാബോധം നല്‍കിയ കെ ദാമോദരനേയും അനുസ്മരിക്കുന്നു. അനുസ്മരണ പരിപാടികളിലും അതോടൊപ്പമുള്ള മത്സരപരിപാടികളിലേക്കും എല്ലാവരേയും ക്ഷണിക്കുന്നു

 

വായനാപക്ഷാചരണം- അനുമോദന സദസ്സ്

ഓരോ വിജയത്തിനുപിന്നിലുമുള്ളത് നിരന്തരമായ പരിശ്രമങ്ങളാണ്. ഈ പരിശ്രമങ്ങള്‍ക്ക് അംഗീകാരം ലഭിക്കേണ്ടത് മാനസികമായ ആവശ്യവുമാണ്. വായനാപക്ഷാചരണത്തോട് അനുബന്ധിച്ച് ഗ്രന്ഥാലയം 

കൊടോളിപ്രം പ്രദേശത്തുനിന്നും സി എം കിഡ്സ് സ്കോളര്‍ഷിപ്പുകള്‍ (LSS, USS) നേടിയവരേയും SSLC, Plus 2 പരീക്ഷകളില്‍ ഫുള്‍ എ പ്ലസ് നേടിയവരേയും അനുമോദിക്കുകയാണ്. 2026 ജൂണ്‍ 28 ഞായറാഴ്ച വൈകിട്ട് നടക്കുന്ന അനുമോദന സദസ്സിലേക്ക് എല്ലാവരേയും സന്തോഷപൂര്‍വ്വം ക്ഷണിക്കുന്നു.