വിദ്യാഭ്യാസപരമായി ഏറെ മുന്നില്‍ നില്‍ക്കുന്ന സംസ്ഥാനമാണ് കേരളം. എങ്കിലും ശാസ്ത്രബോധത്തിലധിഷ്ഠിതമായ വിശ്വാസ സംഹിതകള്‍ കെട്ടിപ്പടുക്കുവാന്‍ നമ്മളില്‍ പലര്‍ക്കും സാധിച്ചിട്ടില്ല. പ്രബുദ്ധമായ കേരളത്തിലെ ചെറിയ ശതമാനം പേരെങ്കിലും അപരന്ന് ദോഷം ചെയ്യുന്ന വിശ്വാസങ്ങള്‍ക്ക് അടിപ്പെട്ടുപോകുന്നത് ശാസ്ത്രബോധത്തിന്റെ കുറവ് തന്നെയാണ്. പണം ലഭിക്കാനും മറ്റ് കാര്യസാധ്യങ്ങള്‍ക്ക് വേണ്ടിയും മനുഷ്യനെ കൊല്ലാനും തിന്നാനും മടികാണിക്കാത്തവരായി മാറിയത് ഞെട്ടലോടെയാണ് കേരശ സമൂഹം കേട്ടത്. അന്ധവിശ്വാസങ്ങളുടെ കൂത്തരങ്ങാ. കേരളം മാറാതിരിക്കണമെങ്കില്‍ കൃത്യമായ ബോധവല്‍ക്കരപ്രവര്‍ത്തനങ്ങള്‍ നാം ഏറ്റെടുക്കേണ്ടതുണ്ട്. സ്റ്റേറ്റ് ലൈബ്രറി കൗണ്‍സില്‍ ജനചേതന യാത്രകള്‍ സംഘടിപ്പിച്ചത് ഈയൊരു ലക്ഷ്യത്തെ മുന്‍നിര്‍ത്തിയാണ്.
സംസ്ഥാനതലത്തിലെ രണ്ട് ജനചേതനയാത്രകള്‍ക്ക് മുന്നോടിയായി നേതൃസമിതി തലത്തില്‍ വിളംബരയാത്രകള്‍ സംഘടിപ്പിക്കുകയുണ്ടായി. പട്ടാന്നൂര്‍ നേതൃസമിതിയുടെ നേതൃത്വത്തിലുള്ള വിളംബര യാത്രക്ക് ഗ്രന്ഥശാല പ്രവര്‍ത്തകരായ ശ്രീ ആനന്ദ ബാബു, ശ്രീ മുകുന്ദന്‍, ശ്രീ ചന്ദ്രന്‍ മാസ്റ്റര്‍ എന്നിവര്‍ നേതൃത്വം നല്‍കി. 2022 ഡിസംബര്‍ 17 ന് വൈകുന്നേരം 6 മണിക്ക് വാണീവിലാസം ഗ്രന്ഥാലയ പരിസരത്ത് വെച്ച് ജാഥക്ക് സ്വീകരണം നല്‍കി. താലൂക്ക് കൗണ്‍സിലര്‍ ശ്രീ കെ ലക്ഷ്മണന്‍ മാസ്റ്റര്‍ പുസ്തകം നല്‍കി സ്വീകരിച്ചു. ഗ്രന്ഥാലയം സിക്രട്ടറി ശ്രീ. സജിത്ത് കുമാര്‍ സ്വാഗതഭാഷണം നടത്തി. ശ്രീ.സി ചന്ദ്രന്‍ മാസ്റ്റര്‍, ശ്രീ പി വി ആനന്ദബാബു എന്നിവര്‍ ജാഥയുടെ ഉദ്ദേശ്യലക്ഷ്യങ്ങള്‍ വിശദീകരിച്ചു. ഗ്രന്ഥാലയം ജോ. സിക്രട്ടറി ശ്രീ ജിതിന്‍ ചടങ്ങിന് നന്ദി പറഞ്ഞു. ഡിസംബര്‍ 24 ന് തലശ്ശേരി പുതിയ ബസ് സ്റ്റാന്റില്‍ വെച്ച് നടക്കുന്ന താലൂക്ക് തല സ്വീകരണത്തില്‍ പരമാവധി പേരെ പങ്കെടുപ്പിക്കാന്‍ തീരുമാനിച്ചിട്ടുണ്ട്.
