ഒരേയൊരു ഭൂമി എന്ന സന്ദേശം മുന്നോട്ട് വെച്ചുകൊണ്ട് 1973 ല്‍ ആരംഭിച്ച പരിസ്ഥിതി ദിനാചരണത്തിന് 50ആണ്ടുകള്‍ പൂര്‍ത്തിയാവുകയാണ് 2023 ല്‍. ബീറ്റ് പ്ലാസ്റ്റിക് പൊല്യൂഷ്യന്‍’- പ്ലാസ്റ്റിക് മലിനീകരണം തടയുക എന്നതാണ് ഇക്കൊല്ലത്തെ പരിസ്ഥിതി ദിനത്തിന്റെ മുദ്രാവാക്യം. പരിസ്ഥിതിപ്രശ്നങ്ങളെക്കുറിച്ചുള്ള ബോധവൽക്കരണത്തിനും അതിനെ പ്രതിരോധിക്കാനുള്ള കർമപരിപാടികൾ ആസൂത്രണം ചെയ്യാനുമായിട്ടാണ് എല്ലാവർഷവും ജൂൺ അഞ്ചിന് ലോകപരിസ്ഥിതി ദിനം ആചരിക്കുന്നത്. 1972 ലെ സ്റ്റോക്ക് ഹോം കണ്‍വെന്‍ഷനെത്തുടര്‍ന്നുണ്ടായ പ്രഖ്യാപനമാണ് 1973 ജൂണ്‍ 5 മുതല്‍ ഇത്തരമൊരു ദിനാചനരണത്തിന് കാരണമായത്.
പരിസ്ഥിതി ദിനാചരണം ഗ്രന്ഥാലയം സമുചിതമായി ആഘോഷിച്ചു. വായനശാലാ പരിസരം പ്ലാസ്റ്റിക് വിമുക്തമാക്കുകയും കുട്ടികള്‍ക്കായി പരിസ്ഥിതി ക്വിസ്, പോസ്റ്റര്‍ രചന എന്നിവയും സംഘടിപ്പിച്ചു.
ഗ്രന്ഥാലയത്തില്‍ രൂപീകരിച്ച ബാലവേദിയുടെ പ്രവര്‍ത്തനങ്ങളും ഒപ്പം നടന്നു. മെന്റര്‍ ശ്രീമതി നിഷ, ബാലവേദി രക്ഷാധികാരി ശ്രീ പി വി രജീഷ് തുടങ്ങിയവര്‍ പ്രവര്‍ത്തനങ്ങള്‍ക്ക് നേതൃത്വം നല്‍കി.
സമ്മേളനത്തില്‍ സിക്രട്ടറി സ്വാഗതമാശംസിച്ചു. ഗ്രന്ഥാലയം പ്രസിഡണ്ട് ശ്രീ പി വി ദിവാകരന്‍ അധ്യക്ഷനായിരുന്നു. താലൂക്ക് കൗണ്‍സിലര്‍ ശ്രീ കെ ലക്ഷ്മണന്‍ മാസ്റ്റര്‍ ഔപചാരിക ഉദ്ഘാടനം നിര്‍വ്വഹിച്ചു. ശ്രീ രജീഷ് പി വി ആശംസകള്‍ നേര്‍ന്ന് സംസാരിച്ചു. ജോ സിക്രട്ടറി ജിതിന്‍ സി നന്ദി പ്രകാശിപ്പിച്ചു.
പരിസ്ഥിതി ക്വിസ് വിജയികള്‍
No comments:
Post a Comment